Para sa mas magaan, simple at direktang pag-kalap ng mga pangunahing datos o impormasyon sa inyong mga kasapi o miyembro na hinihingi namin sa aming Memoranda Sirkular Blg. 2013-06-009 (lka-04 ng Hunyo 2013), minabuti ng Tanggapang ito na kunin na lamang ang pinaka-buod ng mga kinakailangang datos o inpormasyon mula sa inyong mga kooperatibang pansasakyan.

Para sa mga kooperatiba na hindi pa nakakapag-sumite ng mga dokumentong hinihingi sa unang Memoranda, nais po naming ipaalam sa inyo na hindi na kailangang isumite sa Tanggapang ito ang mga œProfile Forms  para sa inyong mga kasaping drayber, operator, drayber-operator at mga manggagawa/tauhan. Maaari ninyo na lamang pakinabangan ang mga ito bilang inyong gamit pang-administrasyon kasama ng inyong mga iba pang tala, rekord o dokumento para sa inyong kooperatiba at mga kasapi. Ang dapat na lamang isumite sa amin ay ang buod na ulat o œsummary report  gamit ang naka-Iakip na halimbawang porma o œsample template . Dahil sa ang ulat na hinihingi ay buod lamang, ang karamihan sa inyong mga ibibigay na sagot ay mga bilang o numero lamang ng bawat kategorya ng datos/inpormasyon. Mangyari lamang na isumite itong hinihinging ulat na di lalampas sa ika-30 ng Hunyo 2014. Kung inyong nanaisin, maaari ninyo rin ipadala ang œsoft-copy  nito sa pamamagitan ng œelectronic-mail  sa œemail-ad  na ito PLANNINGDIV.OTC@gmail.com gamit ang opisyal na œemail-ad  ng inyong kooperatiba. Bilang karagdagan, nais po naming ipaalam sa inyo na ang ulat na ito ay magiging bahagi na rin ng mga regular ng dokumento para sa œCGS renewal  ng mga kooperatiba simula sa taong ito alinsunod sa kapasyahan ng OTC Board.

Makaka-asa kayo na ang mga datos o inpormasyon na aming hinihingi ay gagamitin lamang para sa pag-susuri, pag-aaral, pagpa-plano at tulong pangpolisiyang kadahilanan. Ang inyong kooperasyon at aksyon ay lubhang kinakailangan.

(SGD) MELCHOR V. CAYABYAB
Chairman